Quote:

Бу Шайх Ибн Боз раҳматуллоҳи алайҳининг фикрлари эди. У киши фитр садақаси миқдорини тахминан 3 кг деб ҳисобладилар.
Шунингдек, бу Фатволар ва илмий тадқиқотлар бўйича доимий қўмита уламоларининг ҳам фикрларидир (9/371).
Шайх Ибн Усаймин раҳматуллоҳи алайҳи фитр садақаси миқдорини граммда ҳисоблаб, унинг 2100 грамм бўлиши ҳақида айтганлари «Фатово аз-Закот» китобининг 274-276 бетларида келтирилади.
Бу борадаги хилма-хилликнинг сабаби шуки, «соъ» аслида оғирлик эмас, ҳажм ўлчовидир.
Олимлар уни ҳисоблашга осон бўлсин учун оғирликда ҳисоблашган. Маълумки, дон-дунларнинг оғирлиги ҳар хил бўлади. Баъзилари енгил, баъзилари эса оғирроқ, яна баъзилари эса нисбатан ўртача вазнда. Аслида бир турдаги бир «соъ» дон бошоқлари турли вазнга эга бўлиши мумкин ҳамда янги бошоқларнинг вазни эскиларидан кўра бошқачароқ бўлиши мумкин. Бундан келиб чиқадики, агар одамлар эҳтиёт томонини олиб, кўпроқ берсалар, яхшироқ бўлади.
Шу каби масала «Ал-Муғний»да ҳам келтирилган бўлиб (4/168), у ерда дон-дунларнинг нисобини вазн бўйича ҳисоблаш ҳақида сўз юритилади.
Аллоҳ яхшироқ билувчидир.

Аллома Муҳаммад ибн Солиҳ Усаймийн
«Фатво ва рисолалар мажмуъаси,
Таҳоратни бузадиган нарсалар ҳақидаги БОБ» (савол № 146).

Савол: Бир аёлнинг тилла тақинчоқлари бор. Эри унинг закотини чиқармаган. Бу аёл энди закотни ўзи бериши керакми? Аёлнинг шундан бошқа пули ҳам йўқ, шу тақинчоғини сотиб, пулидан закот тўласинми?
Жавоб: Тилла тақинчоқ ёки буюмлар учун унинг эгаси бўлган мазкур аёлнинг ўзи тақинчоғини сотиб, шунинг пулиданми, ёки бошқа мавжуд молиданми закот чиқариши керак. Агар эри ёки бошқа биров бу аёл рухсати билан унинг номидан закотини тўласа, бу ҳам жоиздир.

Тавфиқ Аллоҳдандир ва пайғамбаримизга салоту саломлар бўлсин.

---

Савол: Агар дон эгаси қишлоқ хўжалик банкидан қарз (кредит) олган бўлса, униб чиққан дон на бу қарзни тўлиқ тўлашга ва на банкка шу қарз ҳисобидан қайтариладиган ойлик тўловларга етмаса, закот вожиб бўладими?
Жавоб: Буғдой ва шунга ўхшаш дон маҳсулотлари агар ҳосил йиғиб олинган пайтида нисобга етса, гарчи эгаси қишлоқ хўжалик банкидан ёки бошқа ердан қарздор бўлса ҳам, барибир дон закотини чиқариш фарз бўлади. Дон нисоби беш васақ (тахминан 612 кг), бир васақ эса Расулуллоҳ соллаллоҳу алайҳи ва саллам соълари билан ўлчанганда олтмиш соъдир.

Тавфиқ Аллоҳдандир ва пайғамбаримизга салоту саломлар бўлсин.

---

---

Савол: Аллоҳ бойлик неъматини раво кўрган баъзи одамлар жуда қимматбаҳо зотдор отлар ушлашга ружуъ қўйганлар. Баъзида бир отнинг нархи ҳатто минглаб динорларга етади. Бу отларни улар пойгаларга қатнаштириш учун ва шу пойгаларда ўртага қўйиладиган совринларни қўлга киритиш мақсадида сотиб олишади. Саволим, шундай отлардан ва улардан туғилган тойлардан закот бериш фарзми ва фарз бўлса нисоби қанча бўлади ва қанча закот ажратилиши керак бўлади?
Жавоб: Агар аҳвол саволда айтилганидек бўлса, яъни отлар сотиш учун эмас, фақат ушлаш-боқиш учун сотиб олинган бўлса, қуйидаги ҳадисга биноан улардан закот чиқарилмайди. Расулуллоҳ соллаллоҳу алайҳи ва саллам дедилар: “Кишининг зиммасида отлари ва қуллари учун закот вожиб эмас” (Муттафақун алайҳи).
Мана бу ҳадис ҳам Расулуллоҳ соллаллоҳу алайҳи ва салламдан собит бўлган:
“От – уч киши учун (уч хил) бўлади. Бир киши учун – ажр, бошқа бир киши учун – сатра (парда), яна бири учун эса – гуноҳ.
Отлари унга ажр бўлган киши уларни Аллоҳ йўлида жиҳод учун боқиб, далада ёки боғда оёғидан боғлаб қўйди. Шу ҳолида улар далада ёки боғда нимаики еган бўлса, барчаси эгасига ҳасанот қилиб ёзилади. Агар улар арқонни узиб, ўзларича бир ёки икки тепаликка югуриб чиқсалар, қолдирган тезаклари ҳам эгасига ҳасанот қилиб ёзилади. Агар бирон анҳор олдидан ўтаётиб, эгаси суғоришни ният қилмаган ҳолда ўзларича ундан ичсалар ҳам, бу эгасига ҳасанот қилиб ёзилади.
Яна бир киши отларни ҳожати тушганда ўзгалардан сўраб юрмаслик мақсадида, ўзини сўраб ялинишдан сақлаган ҳолда олиб қўйган бўлади. Аммо отларининг гарданига ва орқаларига Аллоҳ фарз қилган ҳақларни ҳам унутмайди (Уламолар Аллоҳнинг ҳаққи деб мусулмонлар бошига қийинчиликлар келганда оти билан улар хизматида бўлишни, жиҳод фарз бўлиб қолганда оти билан жиҳодга чиқишни келтирганлар). Унинг учун отлари сатра-пардадир.
Яна бир киши эса отларни риё учун, фахрланиш мақтаниш учун ва мусулмонларга ёмонлик ниятида олиб қўяди. Бу отлар эгасига гуноҳдир”.
(Бухорий, Муслим, Термизий, ибн Можа, Молик, Аҳмад ва бошқалар ривоят қилганлар.)

Тавфиқ Аллоҳдандир ва пайғамбаримизга салоту саломлар бўлсин.

---

Савол: Қуйидаги ҳолатда қандай закот чиқараман: Мен қуён сотиб оламан, кўпайтираман, боқиб катта қиламан ва сотаман, буларнинг закоти нима?
Жавоб: Тижорат мақсадида олиб қўйилган қуёнлардан, агар қиймати нисобга етиб ёки бошка тижорат молларига қўшилганда нисобга етиб, бир ҳавл ўтган бўлса, закот чиқарилади. Улардан худди тижорат молларида бўлганидек, қийматининг қирқдан бири чиқарилади.

Тавфиқ Аллоҳдандир ва пайғамбаримизга салоту саломлар бўлсин.

Оламлар Парвардигори бўлмиш Аллоҳга ҳамдлар бўлсин. Набий ва расулларнинг энг шарафлисига, унинг оиласи ва саҳобаларига салавоту саломлар бўлсин.
Бизга АҚШда 11 сентябр куни бўлиб ўтган воқеалар ҳақида сон-саноқсиз саволлар келиб тушмоқда.

Quote:Эслатма: 11 сентябр куни Америкада икки минора портлатилганида кўпгина мусулмонлар жуда хурсанд бўлганлари ҳеч кимга сир эмас. Бу ўша хурсанд бўлганларнинг Ислом ҳақидаги тушунчалари бузуқ ва нотўғри эканлигига далолат қилади. Наҳотки ҳақиқий мусулмон бирор ким зино қилишига ёки маст қилувчи ичимлик ичишига хурсанд бўлса?! Албатта йўқ! Ундай бўлса қандай қилиб зино ва маст қилувчи ичимлик ичишдан гуноҳи оғирроқ бўлган ноҳақ қотилликдан хурсанд бўлса?! Имом Нававий айтадилар: «Бизнинг тарафдорлар айтардилар: «Ширкдан кейин энг катта гуноҳ бу қотилликдир!»» (Қаранг: «Шарҳ Саҳиҳ Муслим» 2/262).
Аллоҳ таоло айтади:
«Аллоҳ (ўлдиришни) ҳаром қилган жонларни ўлдирмангиз, магар ҳақ билан (яъни қасос олиш учун ёки муртад бўлгани, ёки зино қилгани учун шариат ҳукми билан ўлдиришингиз мумкин). Шояд ақл юргизарсиз, деб сизларни мана шу нарсаларга буюрди» (Анъом: 151).
Асос шуки, мусулмон ёки кофир бўлишидан қатъий назар, ҳар бир инсоннинг қонини тўкиш ҳаромдир. Магар шариат ҳаққи бундан мустасно. Мусо пайғамбар воқеасини эсланг. У пайғамбарлик рисолатидан аввал қибтийни ўлдириб қўяди. Аллоҳ таоло айтади:
«(Кунлардан бирида Мусо) шаҳарга унинг аҳолиси ғафлатда бўлган (пешин) пайтида кирган эди, унда икки киши урушаётганини кўрди. (Улардан) бири ўз гуруҳидан (яъни Бани Исроил қавмидан) ва бири душма-нидан (яъни Қибтийлардан) эди. (Бас Мусонинг) гуруҳидан бўлган киши ундан душман томондан бўлган кимсага қарши ёрдам сўради. Шунда Мусо бир мушт уриб уни ўлдириб кўйди. (Сўнг қилиб қўйган ишидан пушаймон бўлиб), деди: «Бу шайтоннинг ишидандир. Албатта у йўлдан ургувчи очиқ душмандир». (Кейин Аллоҳга илтижо қилиб), деди: «Парвардигорим, дарҳақиқат мен ўз жонимга жабр қилиб қўйдим. Энди Ўзинг мени мағфират қилгин»» (Қасас: 15-16).
Шунингдек шафоат ҳақидаги ҳадисда айтилишича, инсонлар Қиёмат куни Мусо пайғамбар олдига боришганида айтадилар: «Парвардигорим бугун ҳар қачонгидан кўра қаттиқроқ ғазабланганки, илгари сира бунчалик ғазабланмаган. Мен ўлдирилиши буюрилмаган одамни ўлдирганман» (Бухорий ривояти, ҳадис № 4712).
Шайхулислом Ибн Таймия айтади: «Асос шуки, Одам боласининг қони (га тажовуз қилиш) ҳаром ва ножоиздир, магар ҳақ билан бўлса бундан мустасно. Ўша асосга биноан, Ислом аввалида кофирларнинг қони ҳаром эди. Худди Мусо ўлдириб қўйган қибтийнинг қони ёки бугунги кунда даъват етиб бормаган одамнинг қони ҳаромлигига ўхшаш. Мусо (қибтийни) ўлдиргани унга икки дунёда гуноҳ саналди. Ваҳоланки у одамни беихтиёр ўлдириб қўйган эди» (Қаранг: «ас-Саримул-маслул» 2/210).

Одамлар «Бу ҳодисаларга шариатнинг ҳукми қандай ва Ислом дини бу каби ҳаракатларни оқлайдими» каби саволлар билан мурожаат қилишмоқда.
Аллоҳдан ёрдам сўраган ҳолда мен айтаманки: Аллоҳ Исломни одамларга юбориб, уларга марҳамат кўрсатди. У ушбу динни мукаммал шариат орқали гавдалантирди. Бу шариат ҳар замон ва маконга яроқли, алоҳида шахс ва жамиятнинг ҳолатини яхши тарафга ўзгартиришга қодир, тўғрилик, адолат ва саховатга чақирувчи шариатдир. Бу шариат ширк, ёвузлик, адолатсизлик ва хиёнатни тарк қилишга ундовчи шариатдир. Аллоҳ бизни ушбу динга йўллагани, бу диннинг эргашувчилари ва ҳимоя қилувчиларидан қилганлиги, унинг буюк неъматидандир. Шунинг учун шариат кўрсатмаларига итоатли, Расулуллоҳ соллаллоҳу алайҳи ва салламнинг суннатларига эргашувчи ва диндаги бирор кўрсатмадан оғишмаган мусулмон дунёю охиратда саломат қолади.
АҚШдаги минглаб инсонларнинг ҳалок бўлишига сабаб бўлган фожеа, шубҳасиз шариат қоралайдиган амаллар сирасига киради. Бу Исломга умуман алоқаси бўлмаган ва унинг шаръий асосларига зид бўлган ишлардир. Фикримизни қуйидаги кўрсатмалар тасдиқлайди:
1. Аллоҳ таоло зулмдан қайтарди. Зеро еру осмон адолатга таяниб туради. Инсонларни пайғамбарлар ва самовий китоблар адолатга даъват қилишган. Аллоҳ таоло айтади:
«Албатта, Аллоҳ адолатга, чиройли амаллар қилишга ва қавм-қариндошга яхшилик қилишга буюрур ҳамда бузуқлик, ёмон ишлар ва зўравонликлардан қайтарур. У зот шояд ибрат-эслатма оларсизлар, деб сизларга панд-насиҳат қилур» (Наҳл: 90).
Аллоҳ таоло бошқа оятда айтади:
«Қасамки, Биз Ўз пайғамбарларимизни аниқ ҳужжат-мўъжизалар билан юбордик ва улар билан бирга Китоб ҳамда одамлар адолатни барпо қилишлари учун мезон-тарози туширдик» (Ҳадид: 25).
Адолати комил бўлган Аллоҳ, гуноҳкорнинг юкини бошқасига юклаш мумкин эмаслигини ҳукм қилди:
«Ҳеч бир кўтаргувчи (яъни гуноҳкор жон) ўзга жоннинг юкини (яъни гуноҳини) кўтармас» (Анъом: 164).
2. Аллоҳ таоло ўзига зулмни ҳаром қилди ва уни бандалари орасида ҳаром қилганини эълон қилди. Ҳадис қудсийда ривоят қилинишича, Аллоҳ таоло айтади: «Эй бандаларим, Мен Ўзимга зулм қилишни ҳаром қилдим ва сизларнинг ўртангизда ҳам зулм қилишингизни ҳаром қилдим. Бас, бир-бирингизга зулм қилмангиз!» (Имом Муслим «Саҳиҳ», ҳадис № 2577). Бу буйруқ мусулмон ёки кофир бўлишидан қатъий назар, барча бандаларга тааллуқлидир. Шундай экан ҳеч кимнинг бировга зулм қилиши жоиз эмас. Бирор кимса адоват ва нафрати сабабидан зулм қилмаслиги керак.
Аллоҳ таоло айтади:
«Эй мўминлар, Аллоҳнинг Ўзи учун ҳақ йўлни тутгувчи, адолат билан шаҳодат гувоҳлик бергувчи бўлингиз! Бирон қавмни ёмон кўришингиз сизларни адолат қилмасликка тортмасин!» (Моида: 8).
Шунинг учун ҳам душманлик ва нафрат хисси зўравонлик ва адолатсизликка шаръий асос сифатида хизмат қила олмайди.
Шунга кўра, барча давлат ва миллатлар, Исломни қабул қилган-қилмаганлигидан қатъий назар қуйидагиларни билиб олишлари лозим:
1. АҚШда содир бўлган самолётларни ўғирлаш, осойишта халқни қўрқитиш ёки бегуноҳ инсонларни ўлдириш каби ҳаракатлар адолатсизлик ва зулмнинг айни бир туридир. Шариат бу каби ҳаракатларни нафақат оқламайди, балки таъқиқлайди ва энг оғир гуноҳлардан ҳисоблайди.
2. Ўз дини қонунларидан хабардор, Қуръон ва Пайғамбар соллаллоҳу алайҳи васалламнинг суннатлари кўрсатмаларига амал қилувчи мусулмон бу каби хатти-ҳаракатлардан ўзини олиб қочади. Чунки бу ишлар инсонни Аллоҳнинг ғазабига дучор қилади ва зарарлар келтиради.
3. Мусулмон уммати уламолари бу каби воқеаларнинг асл моҳиятини кўрсатишлари шарт. Улар бутун оламга бундай ишларга нисбатан шариатнинг тутган йўли ва Ислом дини бу каби ҳаракатларни умуман оқламаслигини тушунтиришлари лозим.
4. Оммавий ахборот воситалари ортида туриб фитна тарқатиш, Ислом ва мусулмонларни одамларнинг қалбида уларга нисбатан душманлик хиссини уйғотиш мақсадида мусулмонларга қарши айбловларни олиб чиқиб, ҳақ динни қоралаб, унга алоқаси бўлмаган нарсаларни нисбат бераётганлар эс-хушларини йиғиб олсинлар. Улар ҳар қандай одил ва оқил, ўз дини кўрсатмаларидан хабари бор инсонга бу каби айбловларни қўйиш мумкин эмаслигини тушунсинлар. Чунки асрлар мобайнида Ислом динида бўлган халқлар доимо инсон ҳуқуқларини ҳурмат қилишган. Зулм ва зўравонликдан тийилишган.
Барча айтилганлар ҳақиқатни равшан қилади ва тушунмовчиликларни бартараф қилади. Аллоҳдан бизга ҳикмат ато этишини, тинчлик йўлига йўллашини, динига қувват беришини ва сўзини олий қилишини сўрайман. Аллоҳ пайғамбаримиз Муҳаммадга, Унинг оиласи ва саҳобаларига салавоту саломлар йўлласин.

Quote:Оммавий ахборот воситаларининг тинимсиз равишда одамларни «Бу террорчилик ҳаракатларини «ваҳҳобийлар» деб аталмиш гуруҳ тарафидан режалаштиралаябти» деб адаштираётганлари ажабланарли ҳолатдир. Эътиборингизга Муҳаммад ибн Абдулваҳҳоб даъватининг асл моҳиятини тушунган, «ваҳҳобийлар» деб аталмиш давлатнинг муфтийси сўзлари келтирилди. Шайх Абдулазиз Оли Шайхдан аввал ўтган собиқ Саудия Арабистони муфтийси - шайх Ибн Боз ва унинг атоқли шогирди – шайх Ибн Усаймин ҳам худди шу сўзларни айтишган эди. Нега уларнинг барчалари бу каби ҳаракатларни таъқиқланганини эътироф этишган?! Чунки Исломнинг асл ҳукми шундайдир. Бу масалани ёритиш учун холисона ва олдиндан янглиш муносабатда бўлмай ёндашиш лозим. Ушбу «ваҳҳобийлик» ва экстримизм деб номланмиш икки тушунча орасидаги аниқ чегарани белгилаб олиш керак. Ушбу сўзлар бир-бирига синоним эмаслигини тушуниб олиш лозим. Катта Энциклопедия Луғати таърифига биноан «Экстримизим – энг қаттиқ мулоҳаза, чорага берилганлик (одатда сиёсатда қўлланилади)», «Ваҳҳобийлик – диний-сиёсий оқим, исломни (диний янгилик - бидъатлардан) тозалаш ва содда аҳлоқ учун курашувчилар» дея таърифланган (Қаранг: Катта Энциклопедия Луғати, А.М. Прохорова таҳрири).
«Ваҳҳобийлик» атамасига келсак, РАН Африка Институти директори ва «Бугунда Осиё ва Африка» журнали бош муҳаррири А.М. Васильев ўзининг «Саудия Арабистони тарихи» китобининг иккинчи бобида ёзади: «Ваҳҳобийлик – ушбу ижтимоий фаолиятга душман ёки араб бўлмаган (ажам) лар томонидан қўйилган номдир».
Бошқа тарафдан қаралганда, кейинги савол ўринли бўлади: Барча ҳаракатларнинг сабаби «ваҳҳобийлик» бўлса, нега унда улар «ваҳҳобийлик» давлатини ларзага солишни тўхтатишмаябти (яъни, террорчилик ҳаракатлари Саудия Арабистонида содир бўлиши давом этаётгани назарда тутилмоқда)?! Жавоб шуки: Ўша «ваҳҳобийлик» деб номланувчилар ушбу жирканч жиноятларга умуман алоқалари йўқдир. Бу ерда тушунарли ва очиқ айтиш керакки: Ҳозирги кундаги «террорчилик» намоёндаларининг манбасини адашган тоифа мафкураларидан излаш лозим.

http://tavhid.com/kitoblar/manhaj/1109-a...-oli-shayx

Шайхулислом Аҳмад ибн Таймия раҳимаҳуллоҳ
Қадр кечаси қачон бўлади?

"Аввало Тавҳидга даъват қилиш керак дейсиз, тоғут ҳокимларинг Тавҳидга даъват қилишга бермай турмага ташлаяптику, қандай қилиб бугунги кунда даъват қиламиз?" дейдиган одамга қандай жавоб берилади?

Ассалому алайкум ва раҳматуллоҳ... шарий никохнинг шартлари қандай бўлади? Ва ким никох ўқийди?Ассалому алайкум ва раҳматуллоҳ... шарий никохнинг шартлари қандай бўлади? Ва қандай одам никох ўқишлиги мумкин?