Савол: Фазилатли шайх, Аллоҳ сизни муваффақ қилсин. Савол берувчи айтадики: Бу ерда (ҳижрий) йил охирини насиҳат, мавъиза ёки дуо билан хослаётганлар бор. Мана иш тўғрими?
Жавоб: Йўқ, бу бидъат! Ҳижрий йил охирини табрик, ёки нишонлаш, ёки зикр, ёки дуо билан хослашлик жоиз эмас. Бу жоиз эмас. Салафлар бу (иш)ларни қилишмаган. Ҳа (шундай).

Шайх Солиҳ ибн Фавзон ал-Фавзон
http://www.sahab.net/forums/index.php?showtopic=133636

Савол: Ҳурматли шайх, Аллоҳ сизларни муваффақ қилсин! Биз бир жамоа хавфсизлик ходимлари сиз ҳазратларига савол йўллаяпмиз. Бизга ушбу юртда тинчликни издан чиқариш ёки ҳукмдор тоатидан чиқишни истайдиганлар режаларини очиш топширилган. Дарҳақиқат, уларни кузатиш, изига тушиш ва уларга қарши курашиш жоиз эмаслиги ҳақидаги фатволарни эшитдик. Чунки улар мужоҳидлар эмиш. Ҳамда улар Ироқ каби бошқа юртларда мусулмонларга қарши курашаётган кофирларни чиқариб ташлашни хоҳлашармиш. Бу борадаги тўғри раъй нима? Аллоҳ сизларни муваффақ қилсин!

Жавоб: Аллоҳ сизларга мадад берсин! Сизлар жиҳоддасиз. Сизлар ушбу ишингиз билан жиҳоддасиз. Чунки сизлар бу билан ботил аҳлини тўсиш, тинчлик, жон, номус ва мол-мулкни сақлаш ҳамда мусулмонларнинг ҳукмдорига бўйинсунишни хоҳлаяпсизлар. Бас, сизлар жиҳоддасиз. Аллоҳ сизларга кўмак берсин. Сизларга мужоҳидларнинг ажри ёзилади. Сизларнинг бу ишингиз жуда буюк иш. Сизларда (бу борада) шак-шубҳа бўлмасин.
Бу жиҳод деб фатво бераётганларга келсак, ким ўзи у, бундай фатво бераётган? Улар эътиборли одам-(олим)ларми? Улар пода ва мажҳул-(номаълум шахс)лардир. Улар уламолар эмас. Мўътабар уламолардан бирортаси бу жиҳод деб фатво бердими? Асло. Бу ёлғон. Бу жиҳод эмас. Бу, Аллоҳ ва Унинг Расулига маъсият. Мусулмонларнинг (тажовуз қилиш) ҳаром бўлган нарсаларини ҳалол ҳисоблаш ва мусулмонларнинг ҳукмдорига бўйинсунишдан чиқишликдир. Буларнинг бари маъсият. Катта гуноҳлар, Аллоҳ сақласин. Бу жиҳод эмас. Бу... Ҳа, бу шайтоннинг йўлидаги (жиҳод). У, Аллоҳнинг йўлидаги (жиҳод) эмас. Чунки бунинг маъноси мусулмонларни фитнага солишликдир.
Кофирларни чиқариб ташлашликка келсак, бу сизларга (қаратилган хитоб) эмас. Бу кофирлар ҳукмдорга тегишли масала. Уларга омонлик берган, ўзлари ҳожатман бўлган фойдалар дея уларни киритган ва уларнинг муддатини узайтирадиган – у – (ҳукмдор)дир. Расул (соллаллоҳу алайҳи ва саллам): “Яҳудларни араб жазирасидан чиқаринглар” - дедилар. Бу, ҳукмдорларга қаратилган хитобдир. Шунинг учун уларни Умар розияллоҳу анҳугина чиқариб ташладилар. Уларни одамлар чиқариб ташлагани йўқ. Кофирларни чиқариб ташлайдиган, уларни киргазадиган – ҳукмдордир. Бу ҳукмдорнинг ваколатидандир. Уларни фақат фойдамизни кўзлаб олиб кирдик. Улар (маълум бир) ишларни адо этиш учун чақиртирилган. Ё элчихона ёки ширкатлар. Мусулмонлар уларни ўзларининг фойдалари дея олиб келганлар. Дарҳақиқат, улар омонлик ва битимдадир. Пайғамбар соллаллоҳу алайҳи ва саллам: “Ким аҳдлашган (кофир)ни ўлдирса жаннатнинг бўйини тотмайди” - дедилар. Бухорий ривояти. Батаҳқиқ, унинг ҳиди етмиш йил(лик масофа)дан келиб туради. Бу қаттиқ ваъиддир. Бу жиҳод дея фатво бераётган кимса олим эмас. Ёки у залолат олими. Унда илм йўқ. Ёки у билмаслигини билмайдиган жоҳил. Аллоҳнинг йўлидаги жиҳод нима эканини билмайди. Ҳа (шундай).