Аллоҳ таоло айтади:

"Агар сизлар ман этилган гунохларнинг катталаридан сақлансангизлар, қилган кичик гуноҳларингизни ўчирурмиз ва сизларни улуғ манзил — жаннатга киритурмиз". Нисо 31.

Агар банда катта (кабир, кабаир) гуноҳлардан ўзини сақласа, уни-(бандани) Аллоҳ қолган (кичкина) гуноҳларини мағфират қилиб, уни иззат-икром ҳовлисига-(яъни жаннатга) доҳил қилишлигини ваъда қилди. Унинг бундай иззат-икром, ҳурмат, эҳтиром ҳовлиси дейишлигининг сабаби, чунки жаннатда барча яхшииклар жам бўлгандир. Улар кирадиган жой, қулоқлар эшитмаган, кўзлар кўрмаган ва хатто одамнинг (ҳаёти-дунёда) нафси ҳохламаган ва ҳохласа ҳам бўлмайдиган нарсалар мавжуд Жаннат боғчалари бўлади.
Катта гуноҳлар тарк этишликнинг асоси, бу, динда буюрилган фарз амалларни ўз вақтида адо этишликдир. Чунки у амалларни ўз вақтида адо этмаслик билан одам катта гуноҳ қилган бўлади. бундай амалларга: беш вақт намоз, рамазон ойидаги рўза ва бошқа нарсалар киради. Набий соллаллоҳу алайҳи ва саллам дедилар: "Беш вақт намоз, жума намози ва рамазон оийдаги рўза ўз орасидаги гуноҳларга каффорат бўлади, илло катта гуноҳлар". (Муслим).