Савол: Ҳайз кўрган хотин тиловат саждаси қиладими?
Жавоб: Ибн Мунзир раҳимаҳуллоҳ айтди: «Уламолар сажда оятларини эшитган ҳайз кўрган хотиннинг ҳукми ҳақида фарқли фикрлар айтдилар. Атоъ, Абу Қилоба, Зуҳрий, Саид ибн Жубайр, Ҳасан Басрий, Иброҳим ва Қатода разияллоҳу анҳулар: «У, сажда қилмайди», - дедилар. Имом Молик, Суфён Саврий, имом Шофиий ва имом Аъзам раҳимаҳумуллоҳлар ҳам шу фикрдалар. Биз Усмон ибн Аффон разияллоҳу анҳудан: «(Сажда оятини эшитган ҳайз кўрган хотин) боши билан ишора қилади» деган ривоятни келтирган эдик. Саид ибн Мусайяб ҳам: «Боши билан ишора қилади ва «Лака сажад-ту» (Сенга сажда қилдим)- дейди», - деди.