Талоқ қилинган хотин қандай қайтарилади?
Бисмиллаҳир роҳманир роҳийм
Аллоҳнинг Ўзигагина ҳамдлар, Унинг пайғамбари Муҳаммад ибн Абдуллоҳга, у зотнинг оиласи ва саҳобаларига салавоту саломлар бўлсин.
Сўнг …
Агар эркак киши хотинини бир ёки икки талоқ қилган бўлса ва идда муддати ҳали тугамаган бўлса (идда муддати – учта ҳайз муддатининг тугаши ёки ҳомиладор аёл учун боланинг туғилиши), унда эр ўз хотинини: «Мен сени қайтариб олдим» ёки «Мен сени сақлаб қолдим» каби сўзлар билан қайтариб олиши мумкин. Бу билан никоҳ саҳиҳ ҳисобланади. Ёки у хотинини қайтаришни ният қилган ҳолда бирор амални қилиши мумкин. Масалан, никоҳни қайта тиклаш мақсадида у билан жинсий алоқа қилишлик. Бу билан ҳам никоҳ қайта тикланади.
Ушбу масаладаги суннат, никоҳни қайта тиклаётгани ҳақида гувоҳларни ҳозир қилишликдир. Яъни иккита эркак гувоҳни чақиришлик. Бу Аллоҳ таолонинг ушбу қовлига мувофиқдир:
«Энди қачон (талоқ қилган аёлларингизнинг идда) муддатлари битиб қолса, бас, уларни яхшилик билан олиб қолинглар (яъни қайта никоҳлларингизга олинглар) ёки яхшилик билан (яъни, ҳаққи маҳрларини бериб) ажрашинглар. Ва (ярашиб олиб қолаётган ёки ажрашиб кетаётган чоғларингда) ўзларингиздан (яъни, мусулмонлардан) бўлган икки адолат соҳибини гувоҳ қилинглар» (Талоқ: 2).
Мана шу тарзда никоҳ қайта тикланади.
Агарда биринчи ёки иккинчи талоқдан сўнг аёлнинг идда муддати тугаса, унда янги никоҳ тузиш керак бўлади. Бу ҳолатда унинг ҳолати бошқа эркаклар ҳолати билан бир хил бўлади: у аёлнинг валийсидан ва аёлнинг ўзидан қўлини сўрайди. Қачонки аёл ва унинг валийси рози бўлса, улар аёлни қондирувчи маҳр ҳақида келишишади. Сўнг икки адолатли гувоҳ олдида никоҳ тузилади.
Агарчи у эркак хотинига охирги, яъни учинчи талоқни берган бўлса, унда хотини унга ҳаром бўлади. Аёл бошқа эркак билан шариатга мувофиқ никоҳ тузиб, у билан жинсий алоқада бўлиб, кейин эса у билан ажралса: ёки талоқ қилса, ёки вафот этганидан кейингина аввалги эри билан никоҳ тузиши мумкин бўлади. Чунки Аллоҳ таоло айтадики:
«Энди агар уни (учинчи марта) талоқ қилса, у аёл то бошқа эр билан турмуш қурмагунича аввалги эрига ҳалол бўлмайди» (Бақара: 230).
Эркак учун бошқа эркак билан унинг аввалги хотинига уйланиши, кейин эса талоқ қилишини келишиши ҳаром бўлади. Бу каби амал гуноҳи кабиралар сарасига киради. Бундай никоҳ аёлни аввалги эри учун ҳалол қилмайди. Бундан ташқари Расулуллоҳ соллаллоҳу алайҳи ва саллам биринчи эрни ҳам, ўзининг никоҳи билан аёлни аввалги эри учун ҳалоллаб берган иккинчи эрни ҳам лаънатлаганлар.
Қаранг: Шайх Абдулазиз ибн Бознинг «Фатава ат-толақ» китоблари (1-жилд, 195–201 саҳифа).
Манба: Тавҳид форуми
Assalamu alaykum, qilayotgan ishlaringizdan Alloh rozi bulsin va jannatifirdavs bilan taqdirlasin!
Qoriakalar meni bir narsa qiziqtirayapti, birdaniga uch taloq qo’yish bo’lgan degan «ulamolar» ham bor ekan. Ular shunday deyishayaptiki ilgari birdaniga uch taloq bo’lgan lekin hozirgi kunda ajralishlar ko’pligi tufayli uch taloq desa ham bir taloq hisob bo’lishiga ruhsat berishgan degan gapni o’qigan edim.
Iltimos manashu masalani tushuntirib bersalaringiz!
Jazakallohuxoyron.
Валейкум ассалам ва роҳматуллоҳи ва барокатуҳ!
Бидъат талоқ тушадими ёки йўқми?
Савол: Бидъат талоқ тушадими ёки йўқми? Агар тушса бир талоқ бўладими ёки уч талоқми?
Жавоб: Аллоҳнинг Ўзигагина ҳамдлар, Унинг пайғамбари Муҳаммад ибн Абдуллоҳга, Унинг оиласи ва саҳобаларига салавоту саломлар бўлсин.
Сўнг…
Бидъат талоқ бир неча хилдир. Улардан бири хотинни ҳайз ёки нифос (туғруқ қони) кўраётгани маҳал ёхуд (ҳайз ёки нифос қони тугагач) жинсий алоқа қилмай поклик даврида талоқ қўйишдир. Бундай пайтда талоқ қўйиш билан, тўғриси, талоқ тушмайди. Бидъат талоқларнинг яна бири, хотинни бирданига уч талоқ қўйишдир. Уламоларнинг қувватли қавлларига кўра бундай пайтда бир талоқ тушади.
Тавфиқ Аллоҳдандир. Аллоҳ пайғамбаримизга, Унинг оиласи ва саҳобаларига салавоту саломлар йўлласин.
Илмий Тадқиқотлар ва Фатво Бериш Доимий Қўмитаси, Фатво № 6542–2.
Раис: Абдулазиз ибн Абдуллоҳ ибн Боз
Раис ноиби: Абдурраззоқ Афифий
Бир талоқ,икки талоқ ҳақида аниқ маълум керак эди. Масалан, бир марта талоқсан, деган эр, ўша хотинини қандай қилиб икки талоқ қилади? Яъни иккинчи талоққача ўртада никоҳ ўқилиши керакми? Дейлик, бир марта талоқ қилган бўлса, ва орада ойлар ўтиб, ҳали қайта ярашмаган хотинига яна бир марат талоқ қилдим деса – бу икки талоқ бўладими? Бу ўринда мантиқ қаерда қолади – ахир бир талоқдан кейин номаҳрам бўлган хотинини талоқ қилишга у эрнинг ҳаққи ҳам ваколати ҳам қолмайди-ку? Уч талоқ нима? Яъни уч талоққа етиш учун уч марта никоҳ ўқиб, уч марта ўртага талоқ тушиши керакми? Жавоблар учун катта раҳмат
1. Халқ орасида баъзи жойларда Тўққиз талоқ деган гаплар ҳам юради. Бу нима бидъатми ва ёки хурофотми? Чунки исломда ҳеч қаерда кўзим тушмади ва аслида 9 талоқ нимани англатишини билолмадим. Бу ўзи бор нарсами?
2. Талоқ тушгандан кейин узоқ йиллар бир уйда яшаб, лекин жимо қилмай, зинодан тийилиб яшаб келган эр-хотин яна қандай ярашиб кетиши мумкин? Дейлик, ҳалиги аёл ҳаётида иккинчи эр кўришни уят санаса ва эри ҳам собиқ хотини билан ярашишни истаса, улар қандай қилиб яна ҳалол жуфт бўла олишади?
3. Сунний одам талоқ бобида Шиа қоидаларига риоя қилиши мумкинми? Бундай талоқдан кейин яна эски хотини билан қайта никоҳдан ўтса, ҳалол бўладими?
Хотинни идда тугамасидан қайтарилмай туриб ёки янги никоҳ бўлмай туриб талоқ қилинса талоқ тушмайди.
Биз ҳам бу ҳақида эшитмаганмиз. Ким бундай талоқ бор эканини эътироф қилса, далил келтирсин.
Талоқ тушганидан кейин агар эр хотинини идда муддатида қайтариб олмаса, идда тугагач бир уйда яшаб юришлари ҳалол бўлмайди. Чунки улар бир-бирларига бегона номаҳрам ҳукмида бўлишади. Агар шундай ишга кўл урилган бўлса, дарҳол буни бас қилиб алоҳида яшашлари керак ва Аллоҳга тавба қилишлари керак бўлади.
Энди агар эр аввалги хотини билан яна никоҳ қурмоқчи бўлса, у бунга аёлнинг валийсидан ва аёлдан розилигини олади. Қачонки аёл ва унинг валийси рози бўлса, улар аёлни қондирувчи маҳр ҳақида келишишади. Сўнг икки адолатли гувоҳ олдида никоҳ тузилади.
Сунний одам аҳли суннанинг саҳиҳ-соғлом қавлларига эргашиб, бидъат аҳлининг китобларини тарк қилиши вожиб бўлади.
Валлоҳу аълам.
as-al er xotını bılan janjallashgan vaktda uch talok cuzını ıshlatmasada lekın 2-3 bora taloksan desa shu 15 dakılı janjal orasıda bunday xolatda nıma kılısh kerak..bunıng xukmı nıma buladı?
Masalan eri xotiniga uch taloqsan deb jaxl ustida birdan aytsa nima bo’ladi.
Ассаламу алайкум ва роҳматуллоҳи ва барокатуҳ!
Уч талоқ ҳақида:
http://forum.tavhid.com/showthread.php?tid=1376
Ғазаб устида талоқ қилиш ҳақида:
http://forum.tavhid.com/showthread.php?tid=1114
Assalom aleykum ua rahmatullohu ua barakatuh menga erim 1 taloq berdi idda bitkach qayta yarashmasak 3taloq tushadimi?
Валейкум ассалам ва роҳматуллоҳи ва барокатуҳ!
Йўқ, уч талоқ тушмайди. Келажакда у кишига қайта турмушга чиқишингиз мумкин.
Assalom aleikum rahmat javobingiz uchun bunchalik tez javob olaman deb oilamagandim
Mani yana bir savolim bor edi erim manga taloq bergandan keyin meni oz ota onamning uyiga yubordi iddangni shuyoqda tut dep shu tog’rimi? Sms yozsam agar yana yozadigan bo’lsang uch taloq qilaman dep qorqitti smsta shu tog’rimi agar tog’ri bo’lsa taloq tusharmidi? Rahmat sizga Olloh rozi bo’lsin
Валейкум ассалам ва роҳматуллоҳи ва барокатуҳ!
Биз билган нарса шуки, ҳозирда эрингиз сиз учун бегона ҳисобланади. У кишига смс хабар юбориш, қўнғироқ қилиш ва ҳоказо амаллар сиз учун жоиз бўлмайди, зарурат юзасидан бу ишга қўл уришингиз бундан мустасно.
Эрингиз талоқ қилиши билан қўрқитишига келсак, талоқ бўлган аёлни никоҳига қайта олмай туриб талоқ қила олмайди. Сиз у кишининг хотини ҳисобланмайсиз.
Бидъат талоқ ҳақида юқорида қисқача маълумот келтирилган.
Сизга гўзал сабр Аллоҳдан тақво қилишни тавсия қиламиз. Аллоҳ таоло сизга солиҳ жуфт ато этиб, гўзал ҳаёт кечиришингизни насиб айласин!
Bidaat taloq degani nima?
Ассалому алайкум, турмуш уртогим менга бир марта талок деган эдилар, хозирда мен бошка мамлакатда ишлагани кетганман улани розилиги билан, мендан ажрашмасдан у киши никохларига бошка олганлар , сенга талок айтганман деб бахона килмокдалар, мен хали хам никохларида хисобланаманми?
Ассалому алайкум, оилалиман турт фарзандим бор оилам билан ахилман, бир йил олдин аввалдан таниш булган турт фарзандли аёлни эри талок бериб кетиб колган эди. Мен уни иккинчи хотин килиб никохимга олган эдим. Иккинчи хотиним гохида келишмовчилик, етишмовчилик булса мендан талок сураб асабимни бузишни бошлайдиган одат чикарди. Икки кун олдин яна шу холат кайтарилган эди мен жахл устида талоксан девордим. яна асабимга тегиб уч талок беринг деб турволди. Мен хам паст кемай уч талоксан девордим. Энди бошим котиб колди. Энди иккинчи хотиним бошка эркак никохига утиб ва ундан талок олгандан кейин мен яна кайтадан никохлаб олсам халол буладими.
асалому алайкум, аввалам бор минг марта узр безовта килганимга, хурматли хазрат сизга саволим шуки эрим манга кечкурун ичиб келиб 2 марта «уч талок буб кет» деб айтди, енимда 7 ёщли углим бор эди, бу гапини ман аник эшитдим, энди бунга йул борми? булса кандай? 2 саволим биз хозирда бирга бир хонадонда яшаябмиз лекин гаплашмаймиз бу тугрими?
Валейкум ассалам ва роҳматуллоҳи ва барокатуҳ!
Ҳурматли Ором, агарда эрингиз сизга бир марта талоқ берган бўлсалар, бу дегани ҳозирда сиз эрингизнинг хотини ҳисобланмайсиз.
Ҳурматли Asad, юқорида келтирилган манбаларга мурожаат қилишни тавсия қиламиз.
Ҳурматли sayohat, уламоларнинг қувватлироқ қавлига кўра биттада уч талоқ қўйиш бидъат талоқ бўлиб, бунда бир талоқ тушади. Иккинчи саволингизга келсак, идда вақти тугагунича, жинсий яқинлик қилмаган ҳолда, бир уйда у эрингиз билан яшасангиз бўлади.
Валлоҳу аълам.
ХУРМАТЛИ хазрат бундан 8 йил олдин хам эрим талок куйган эди ва биз никох укитган эдик факат аник эсимда йук уч талок еки проста талок? бу холат кайта никох укитишга халал бермайдими? яна саволим идда муддати канча, жавоб учун олдиндан катта рахмат сог саломат булинг
Аввало, ҳазрат деганда бирор аҳли илмга мурожаат қиляпман деган гумонда бўлсангиз, биз ундайлардан эмасмиз.
Иккинчидан, бу каби талоқ масалалари интернет орқали эмас, балки эр-хотин бирга илм аҳлининг ҳузурида ҳал қилади. Шунинг учун сизга тавсиямиз эр-хотин биргаликда ишончли илм аҳлига мурожаат қилинг.
Учинчидан, идда муддати уч ҳайз муддати бўлади. Бунга далил Оиша розияллоҳу анҳо ривоят қилган ҳадисдир: «Барира уч ҳайз муддати идда сақлашга буюрилди» (Ибн Можа (2077) ривояти).
Валлоҳу аълам.
Ассалому алакум соволим бориди,3 талака йул борми ачик устида аетилса 3 талок утадими олдиндан нияат еугиди сиздан илтимос аник жовобни кутаман
АССАЛОМУ АЛАЙКУМ, яна сизларни безовта килдим,биз эр хотин Мусулмонлар идорасининг фатво булимига борган эдик, бизага йул бор келселар никох укиб куямиз дейишди хеч кандай идда муддатисиз, шу тугрими? мани кунглимда шубха бор, кейин бу сузларни гунохи болларга ёки бирор кишига урмайдими? илтимос нима килишими билмаябман? ярашишга куркябман
Валейкум ассалам ва роҳматуллоҳи ва барокатуҳ!
Ҳурматли Ислом, саволингиз ҳақида юқорида айтиб бўлинди. Келтирилган маълумот ва манбаларга мурожаат қилинг.
Ҳурматли sayohat. Иддага бошқа эрга тегаётганда риоя қилинади. Ўз эрингиз сизни қайта никоҳига олмоқчи бўлса (учинчи талоқдан кейин бўлмаган шарти билан) сизни идда муддатингиз тугашини кутмайди. Ўз эрингиз билан никоҳни янгиламоқчи бўлсангиз, идда муддати тугамаган бўлса бошқача никоҳ тикланади, идда муддати тугаган бўлса бошқача. Мана шу жиҳатига эътибор бериш талаб қилинади. Эрингиз сизни қайдай никоҳига қайтара олиши мумкинлиги ҳақида юқоридаги мақолани ўқиб чиқинг.
Ота-она қилган иши учун Аллоҳ таоло фарзандларга бало юбормайди. Аллоҳ таоло айтадики: «Ҳеч бир кўтаргувчи (яъни, гуноҳкор жон) ўзга жоннинг юкини (яъни, гуноҳини) кўтармас» (Исро: 15).
Валлоҳу аълам.
ассалому алайкум, жавоб учун катта рахмат, кунглим жойига тушди, сог саломат, фарзандларини рохати куриб узок умр курилар, яхшилигилар жавоби бизадан кайтмаса худодан кайтсин
Ассалому алайкум.мен хозир жуда кийин вазиятда колдим.эрим 3кун олдин маст холатда 3талоксан деб 3марта айтди.жахл устида айтди лекин хаммасини эслайди.мен хайз холатида эдим.(бидъат талокда хайз холатида булса талок тушмайди деб ёзилибди)2та болам бор мен бошка эр килишни тасаввуримга хам сигдиролмайман.хозирда бир уйда яшаяпмиз.бир-биримиз б-н гаплашмаган холатда.нима маслахат берасизлар.сизлардан илтимос менга тугри йул курсатинглар.нима килишни билмай жудаям ёмон сикиляпман.олдиндан катта рахмат
Валейкум ассалам ва роҳматуллоҳи ва барокатуҳ!
Ҳурматли васила. Сиз сўраган саволларга юқорида жавоб ва қўшимча манзиллар келтирилди. Фойда учун барчасини ўқиб чиқинг.
Афзали эса турмуш ўртоғингиз билан биргаликда илм ва тақвоси билан танилган уламога мурожаат қилинг. У сизга вазиятни икки тарафдан эшитиб тўғри йўл кўрсатади иншааллоҳ.
Аллоҳ таоло мушкулингизни осон қилсин!