Савол: Шайхимиз, Aллоҳ сизни ҳифзу-ҳимоясида сақласин! Устоз Назратуллоҳ борасида Россия ва унинг атрофидаги (юртлардаги) биродарларга нима насиҳат қиласиз? У кишининг қамоққа олинганидан сўнг гўё у кишининг дарсларини эшитишда, одамлар орасида тарқатишда заифлашгандекмиз.
Жавоб: Салафий шайх Назратуллоҳ(га келсак), Aллоҳ у кишини озод қилсин, бошига тушган ғам ва балони кетказсин. Унда илм ва суннатни тарқатишда яхши, муборак ғайрат бор эди. (Илм ва саҳиҳ эътиқоди билан) маъруф бўлган шайхлар у кишини яхшилик билан мақташди. У билан бўлиб ўтган ишлар (Aллоҳ томонидан) имтиҳон бўлиб, бу мўмин учун (хатолардан) покловчидир. Aллоҳдан у кишини (ушбу имтиҳондан) халос қилишини, ҳамда бу ҳолатидан саломат ва бешикаст чиқаришини сўраймиз. Aйтадиганим: у киши қоим бўлган нарсалар: илм ва суннатни тарқатишдаги муборак ҳаракати, ҳамда яхшиликка қилган даъватларини биродарларнинг тарқатиши, у кишининг биздаги бўлган ҳаққидир. У нарсаларни одамлар орасида тарқатишимиз керак. Яна тезроқ озод бўлиши ва ғам-ташвишлари аришини, ҳамда бошига тушган ҳолат кўтарилишини, ҳасанотлари зиёда бўлишини Aллоҳга ихлос билан дуо қилишимиз, у кишининг биздаги ҳақларидандир. Хусусан дуолар қабул бўладиган вақтларда (у киши ҳаққига) дуо қилишни кўпайтирмоғимиз лозим. Aллоҳ муваффақ қилувчи ва ёрдам берувчи зотдир.