Рамазон ойи кундузида кофирларга таом тайёрлаб сотиш
Савол: Биринчидан: Биз ишлаётган ширкат Рамазон ойининг кундузида ошхонани очиб қўйишди, мусулмон бўлмаганлар учун таом ҳозирлаш учун. Биз уларга бу ишни шариатга мухолиф эканини тушунтирдик. Шу мухолифликлардан: қалбида заифлик бор мусулмонлар Рамазонда ошхонага киришлари ва кофирлар билан бирга овқатланиши мумкин. Ўтган йили худди шундай бўлганди. Бу ошхонада бирор мусулмон узрсиз Рамазон куни овқатланиши мумкин.
Иккинчидан: Ошхонада ишлайдиган мусулмонлар пешин намозини ошхонанинг ёнида жойлашган масжидда жамоат билан адо қилмайдилар. Чунки бу соат кофирлар таомланадиган вақтдир, ошпазлар овқат тайёрлаш билан банд бўладилар.
Учинчидан: Бизлар ошхона ёнидаги масжидда намозни адо қиламиз, ошхонадан чиқадиган ис эса бизни димоғимизга уриб туради.
Тўртинчидан: Бошқа ҳамма ширкатлар мусулмон бўлмаган ишчиларига уйларида таомланиб келишларига рухсат берди. Бизни ширкатимиз Рамазонда ошхонасини ишлатган ягона ширкат.
Бешинчидан: Ошхонани ишлашига рухсат беришлик бизнинг амирларимизнинг (подшоҳларнинг) буйруқларига мухолифликдир, Аллоҳ амирларимизни Ўз ҳимоясида сақласин. Барча ахборот воситалари бу буйруқларни кенг оммага тарқатишган бўлса ҳам, бизни ширкатимиз ошхонани ишлатаябди.
Сиз муҳтарамдан бу ҳолатни ечимини айтишингизни сўраймиз. Энг камида шу ошхонада ишлаётган мусулмон биродарларимиз учун холис насиҳат бўлса деган умиддамиз. Аллоҳ сизларни Ўзи яхши кўрган ва рози бўлган нарсага муваффақ қилсин!
Жавоб: Рамазон кундузлари кофирлар учун ошхоналарни очиш ва уларга хизмат кўрсатиш жоиз эмас. Бу буюк шариат қайтарган нарсалардандир. Аллоҳ ҳаром қилган нарсада бошқаларга ёрдам бериш жоиз эмас.
Пок шариатимиздан шу маълумки, кофирлар шариат ақкомларига амал қилишга буюрилганлар. Ҳеч бир шубҳа йўқки, рўза Ислом арконларидан биридир. Улар шартларини бажо қилишлик билан бу рукнга амал қилишлари вожибдир. Рўзанинг шартларидан Ислом динини қабул қилиш.
Мусулмон киши Аллоҳ вожиб қилган нарсани тарк қилишда бирон кишига ёрдамчи бўлмаслиги лозим. Худди шундай мусулмон киши кофирларнинг олдида бўйни эгик ҳолда таом келтиришга ўхшаган уларнинг хизматини қилмаслиги лозим.
Ислом диёрларига келган кофирларга шариатга мухолиф келадиган ва мусулмонларга озор берадиган ишларда ёрдам бермаслик керак. Шунинг учун Рамазон кундузларида бу ошхонани беркитиш лозим.
Тавфиқ Аллоҳдан. Аллоҳ таоло пайғамбаримиз Муҳаммадга, аҳли оила в саҳобаларига саловату саломлар йўлласин.
Илмий Тадқиқотлар ва Фатво Бериш Доимий Қўмитаси
Раис: Абдулазиз ибн Абдуллоҳ ибн Боз
Аъзолар: Абдуллоҳ ибн Ғудаён, Солиҳ ал-Фавзон
Абдулазиз Оли Шайх, Бакр Абу Зайд
Манба: Тавҳид форуми