PDF WORD

Заифлик ва тафриқа (фирқаланиш) ҳолатидаги жиҳод

Заифлик ва тафриқа (фирқаланиш) ҳолатидаги жиҳод

Шайх Албоний роҳимаҳуллоҳга телефон орқали савол бераётган Абу Суҳайб сўради:

Сўровчи: Хўп, яна бир савол бор – у эса Босниядаги ҳолат бўйича.

Шайх: Ҳа.

Сўровчи: Мен эшитдимки, Боснияга бориб ўз жони билан ёрдам берамиз деган айрим биродарларга, бундан ўзини тийишликни айтгансиз.

Шайх: Ҳа.

Сўровчи: Яъни, у ерга боришликка маслаҳат бермайсиз, шундайми?

Шайх: Ҳа, худди шундай.

Сўровчи: Хўп. У ердаги одамларни ёрдамга муҳтож деб билмайсизми?

Шайх: Нега билмас эканман, нега билмас эканман?! Лекин айтчи, ёрдам ҳеч қандай фойдасиз нобуд бўлаётган жонларни кўпайтиришликдан иборатми?! Куръонда бизга буюрилган тайёргарлик қани?

Сўровчи: Агар (у ерга боришликда) фойда бўлсачи?

Шайх: Агар боришликда фойда бор деб ишончинг комил бўлса, унда бориш вожиб!

Сўровчи: Хўп, Аллоҳ сизга яхшилик берсин!

Шайх: Ало, ало…

Сўровчи: Лаббай, мен сиз биланман.

Шайх: (У ерга боришликда фойда борлигига) сени ишончинг комилми? Қандай фойда?

Сўровчи: У ерда мусулмонлар кучсиз (заиф).

Шайх: Эй биродарим, менга у ердаги вазиятни айтма! Сен менга боришликдаги фойдани айт!

Сўровчи: Уларга ёрдам ва далда бўлишликда (фойда).

Шайх: Аллоҳ сизни хақда барқарор қилсин Абу Суҳайб! Улар мамлакатлар ёрдамига муҳтож, айрим шахс ва бир-икки тўда одамларга эмас. Замонавий қуролларга эга бўлган танк, тайёра (самолёт)лар ва ҳоказога эга бўлган аскар (армия)га муҳтож. Ҳатто биз у ерга минг одам жўнатсак ҳам, бу иш фақат (душман тарафдан) ўт қўшади. У (минг одам) ракета ва тайёраларга қарши нима қилишади?!

Сўровчи: Ҳа.

Шайх: Субҳаналлоҳ! Ёш мусулмонларга хайронман, мана шу масалаларга қандай қилиб эътибор беришмайди! Қадимдан араблар айтганидай: Фалончи одам ўзини бурнидан уёғини кўрмайди! Мен қандай фойда бор дедим ва сен фойда бор дединг!

Сўровчи: Ҳа.

Шайх: Қандай фойда?! Улар кучсиз! Абу Суҳайб, сени Аллоҳ ҳақда барқарор қилсин, аввало сербларга нисбатан улар кучсизлиги, уларда одам ва қуролларнинг озлигини худди мен билмагандай. Иккинчидан, сербларни қўллаб турган бошқа мамлакатлар бор, хусусан авлодлар ва экинларни вайрон қилаётган Америка.

Сўровчи: Ҳа. Ҳа.

Шайх: Сен бу нарсалар ҳақида билмайсанми?

Сўровчи: Ҳа.

Шайх: Шундай экан, қандай қилиб бунда фойда бор?! Яъни, фойда мусулмонларни умуман ҳалок қилишликдами?! Бу Афғонда бўлган, ёки сен Босния ва Герцеговинадаги жиҳод Афғондаги жиҳод каби деб ўйлайсанми?

Сўровчи: Йўқ.

Шайх: Ва қандай натижа бўлди у ерда (Афғонда)?! Натижа шуки, биз аччиқ фойда ва натижалар олдик!

Сўровчи: Ҳа.

Шайх: Биз авлод ва меҳнатларимизни нобуд қилишимизнинг сабаби, шариатга жуда кўп нарсаларда қарши чиқяпмиз, жуда кўп! Аллоҳ айтади: «Мушриклардан бўлманглар! Улар (яъни мушриклар) динларини бўлиб, фирқа-фирқа бўлиб олгандирлар. Ҳар бир фирқа ўз олдиларидаги нарса билан хурсанддирлар» (Рум: 31). Етти гуруҳ бир гуруҳга қарши курашади, улар коммунистлар! Бир гуруҳ кофир-коммунистлар ва уч гуруҳ мусулмонлар. Нимага бундай бўлди? Шунинг учун унутмаслик лозимки, (даъватни) тасфия ва тарбиядан бошлашлик керак!

Сўровчи: Ҳа.

Шайх: Ва кейин Аллоҳнинг мана шу қовлини унутмайлик: «(Эй инсонлар) сизларга не бир мусибат етса, бас ўз қўлларингиз қилган нарса – гуноҳ сабабли (етур). Яна У кўп (гуноҳларнинг жазосини бермасдан) афв қилиб юборур» (Шуро: 30). Ва Буюк ва Қудратли Аллоҳдан бутун Ислом ерларидаги мусулмон биродарларимизга ёр-дам беришини сўраймиз.

 

Манба: Тавҳид форуми

Фикр билдиринг

Мулоҳаза билдириш учун рўйхатдан ўтган бўлишингиз керак.