Нима учун уламолар айрим масалаларда сукут сақлайди?
Савол: Гоҳида айрим талабаларни уламоларга, улар баъзи ҳодисалар юз берганда ёки айрим оламшумул ишлар бўлганда сукут сақлайдилар деган ҳужжат билан таъна етказаётганларини эшитамиз. Эй фазилатли шайх, буни нима деб изоҳлайсиз?
Жавоб: Гоҳида сукут сақлаш фойда бўлади. Гоҳида эса сўзлаш фойда бўлади. Уламолар фойда(ни жалб қилиш) ва зарарни даф қилишликка риоя қиладилар. Сўзлаш фойда ва манфаат келтиргандагина сўзлайдилар. Сукут сақлаш авлороқ бўлгандагина сукут сақлайдилар.
Тўғри маънога кўра (айтадиган бўлсак), уламолар сукут сақлаш ўрни бўлгандагина сукут сақлайдилар. Ҳамда сўзлаш ўрни бўлгандагина сўз очадилар.
Ҳодисалар юз берганда ҳар бир кишига бу борада сўзлашлиги ярамайди. Балки бу илм, раъй ва сўз эгаларига топширилади. Аллоҳ жалла ва аъла айтганидек: «Қачон уларга (жангга кетган мусулмон аскарлар ҳақида) тинчлик ёки хавф-хатар (яъни ғалаба ёки мағлубият) хабари келса, уни ёйиб юборадилар. Агар (улар ўзларига келган хабарни ҳар кимга ёйиб юрмасдан) пайғамбарга ва ўзларидан бўлган бошлиқларгагина етказганларида эди, уни (яъни мана шу хабарнинг ҳақиқатини) билмоқчи бўлган кишилар ўшалардан билган бўлар эдилар» (Нисо: 83).
Мусулмонлар ва умматнинг фойдасига тааллуқли ишларни, бунинг тўғри ечимини изла-йдиган маслаҳат кенгаши, илм ва онг эгалари ўз қўлларига оладилар.
Дуч келган одам уни ўз қўлига олиб, бу борада сўз очишига келсак, бас, бу мусулмонларга зарар, миш-миш тарқатиш ва қўрқувга солиш жумласидандир. Мусулмонлар бунинг ортидан бирор натижага эришмайдилар.
Бу ҳам сирли ишлардан бўлиши мумкин. Сирли равишда муолажа қилинади. Одамлар ол-дида ошкора муолажа қилинмайди. Балки сирли ва тўғри йўллар орқали муолажа қилинади.
Ишлар тафаккур ва ақлга эҳтиёж сезади. Оммага бу ишлар борасида илм, раъй ва онг эга-ларига мурожаат қилиши вожибдир. Ҳа (шундай).
Аллома Солиҳ ибн Фавзон ал–Фавзон ҳафизаҳуллоҳ
http://www.ajurry.com/vb/showthread.php?t=18311
Манба: Тавҳид форуми