5 Робиул аввал, 1439 ҳ.й. (24.11.2017) Жума куни Мисрнинг Синай вилоятидаги масжидда бомба портлаши, ҳамда қуролли шахслар намозхонларга уюштирган ҳужуми оқибатида 235 одам ҳалок бўлди, 130 дан кўпроқ киши жароҳат олди.

Биз Тавҳид саҳифаси таҳририяти ушбу содир этилган мудҳиш жиноятни ва уни амалга оширганларни кескин қоралаймиз.

Аллоҳ таоло ҳалок бўлган мусулмонлар гуноҳларини мағфират қилсин, Жаннат билан мукофотласин! Ҳалок бўлганлар яқинларига гўзал сабр берсин! Жароҳатланганларга шифо берсин! Ушбу қабиҳ жиноятга қўл урган, уюштирган, мана шу каби хаворижлик ғояларига одамларни чақирадиган, бу каби ғояларни тарқатадиган ва қўллаб қувватлайдиганларни Аллоҳ таоло тўғри йўлга ҳидоят қилсин! Ҳидоятга лойиқ бўлмаганлардан Ўзи истаган йўл билан мусулмонларни халос қилсин!

Қуйида эслаб ўтилган террор ҳаракатлари ҳақида уламоларнинг сўзларини, Аллоҳ қодир қилганча, эътиборингизга ҳавола этиб боришга ҳаракат қиламиз.

Шайх Сулаймон ибн Салимуллоҳ Руҳайлий ҳафизаҳуллоҳ дедилар:


«Набий алайҳиссалоту вассалам дедилар: «Мен намозхонларни ўлдиришдан қайтарилдим» (Сунан Абу Довуд, № 4928). Ана у жиноятчи, мўминларнинг душманлари тарихлари давомида намозхонларни ўз масжидларида қатл қилишликда маҳорат ҳосил қилганлар. Ҳурматли кишиларни масжидга йўл олган чоғларида қатл қилиш учун пистирмада турадилар, масжидларда портлатадилар. Уларда на фитрат, на олийжаноблик, на ақл ва на дин-диёнат бор. Ўшаларни шарманда қилиш, ҳамда уларнинг залолатларини очиб ташлашликдан сукут қилиш умматга хиёнат ва ёшларни алдашликдир».

Шайх Ҳишам ибн Холийл ал-Ҳусаний ҳафизаҳуллоҳ дедилар:


«Хаворижлар ҳамда Ихвонул Мужримийн (Муслимийн) фикри издошлари қалбига сизиб кирса иш мана шундай бўлади: қонлар ҳалол қилинди, намозхонлар ўлдирилди, масжидлар ҳурмати ва хавфсизлик поймол қилинди.
Эй Аллоҳ, ана у хаворижлар ҳамда уларнинг амалларини оқлайдиган ва уларни тарғиб қиладиганларни сенга топширдим. Эй Аллоҳ, уларнинг ёмонликларнидан мусулмонларни сақла ва хаворижларнинг томоқларидаги макр-ҳийлаларини қайтар».

Шайх Ҳамид ибн Хомийс ал-Жунайбий ҳафизаҳуллоҳ дедилар:


«Набий алайҳиссалоту вассаламнинг: «Дарҳақиқат мен намозхонларни ўлдиришдан қайтарилдим» (Сунан Абу Довуд, № 4928) деган сўзларини била туриб намозхонларни ўлдиришяпти. Набий алайҳиссалоту вассаламнинг шаҳодат келтирган ва намоз ўқийдиган кимсалар ҳақида: «Ана ўшалар Аллоҳ мени уларни ўлдиришдан қайтарганлардир» (Аҳмад, 5/432-433) деган сўзларини била туриб намозхонларни ўлдиришяпти. Улар (мана бу оятни): «Аллоҳнинг масжидларини уларда Аллоҳ исми зикр қилинишидан тўсадиган ва уларни хароб қилиш ҳаракатида юрадиган кимсалардан ҳам золимроқ ким бор?» (Бақара: 114) ўқиб туриб уларни ўлдиришяпти».