Кеча Назратуллоҳ Абу Марям ҳафизаҳуллоҳ билан телефон орқали суҳбатлашганимда, биродаримизнинг саволига ўхшаш савол сўрадим. Савол-жавоб қуйидаги маънода бўлди:

Савол: Бир биродаримиз Дубайга виза очиш билан шуғулланади. Маҳрамсиз ёлғиз аёлларга виза очишлик ҳукми ҳақида сўраяптилар. Кўпинча аёллар ўзи мурожаат қилар экан, улар маҳрами билан келадими ёки йўқми маълум эмас.
Жавоб: Агар виза очилаётган юрт ҳукумати томонидан маҳрами билангина виза очадиган ва шуни назорат қиладиган юрт бўлса, бундай ҳолатда маҳрами бор-йўқлигини сўрашга ҳожат йўқ.
Бироқ Дубай бу каби давлатларга кирмасалиги маълум. Қолаверса аёллар нима қилгани боради у ерга?! (Яъни нима қилишга боришини ҳаммамиз биламиз). Шунинг учун агар у ўша аёл маҳрамсиз боришини ғолибан гумон қилса, унга бу ишда кўмаклашиши мумкин эмас. «Яхшилик ва тақво йўлида ҳамкорлик қилингиз, гуноҳ ва ҳаддан ошиш йўлида ҳамкорлик қилмангиз!» (Моида: 2).
Савол: Ўша аёлдан маҳрамингиз билан келяпсизми деб сўраши шартми?
Жавоб: Албатта. Агарда ёлғиз келаётгани ҳақида гумони кучли бўлса, сўраши керак. Масалан: эрингиз ёки ўғлингизни ҳужжатларини ҳам юборинг, бирга очамиз деганга ўхшаб айтади. Ёлғиз бўлса очмайди.