Савол: «Риёз» рўзномаси ўзининиг 1/ 5/ 1406 йилдаги 6411 сонида «Янги уй остонасида жонлиқ сўйиш» сарлавҳаси остида муҳаррирнинг шундай ишнинг тўғри ёки нотўғри экани ҳақида сўраганини ўқиб қолдик. Чунки бу иш баъзи одамларнинг одатига айланган. Шунинг учун ҳам, мен сиз жанобларга мақоланинг бир нусхасини мактубимга илова қилиб юбораяпман ва бу ишнинг тагига ета олмаяпман. Одамлар ўртасида ёйилгани эса, улар янги уй остонасида жонлиқ сўйиш билан назардан сақланиш, уйни баракали бўлиши, ёқимсиз ҳодиса ва балолардан сақланишни назарда тутадилар. Биз эса тақдирдан сақланиш фойда бермаслигини жуда яхши биламиз. Шунинг учун ҳам бу эътиқоднинг нақадар тўғри эканини билмаймиз. Бироқ, бу тўхталиб кўришимизга лойиқ бўлган мавзудир.
Жавоб: Агар бу одат жинларни рози қилиш, мусибат ва ёмон ҳодисалардан сақланиш учун бўлса, ҳаром қилинган одатдир. Бу – янги уйга кўчиб ўтиш олдидан жонлиқ сўйиш ва уни айнан остонада сўйишнинг зоҳирий кўринишидир.
Аммо жонлиқни сўйишдан мақсад қўшниларга зиёфат бериш, улар билан танишиш, Аллоҳга берган янги уй неъмати учун шукрона, шу муносабат билан қариндош ва дўстларга зиёфат қилиб бериш ва уйни танитиш бўлса, бу – қилувчиси мақтовга лойиқ бўлган яхши ишдир. Бироқ буни кўчиб ўтишларидан олдин эмас, оила уйга кўчиб ўтганидан кейин қилиниши керак. Бундан ташқари жонлиқ ёки жонлиқларни уйнинг остонаси ва киришида эмас, бошқа жойда сўйилиши керак.
Тавфиқ Аллоҳдандир. Аллоҳ пайғамбаримизга, Унинг оиласи ва саҳобаларига салавоту саломлар йўлласин.