Ассаламу алайкум! Муслим ва Муслималар! valiyma.com сайтида ўзини уйланмоқчилиги ёки турмушга чиқмоқчи эканлигини билдириш учун эълон қолдирса бўладими? Мен уйланмоқчи эдим. Лекин, нимагадир, салафлар ақидасида бўлган қизни учрата олмаяпман. Менга тушунтириб берсангизлар!
Валейкум ассалам ва роҳматуллоҳи ва барокатуҳ!
Биродар сиз салафлар ақидасидаги қизни эмас, салафлар ақидасидаги ота онани қидиринг! Шунда ҳаммаси тўғри бўлса керак. Валлоҳу аълам.
Валейкум ассалам ва роҳматуллоҳи ва барокатуҳ!
Аввало: Агар интернетдаги танушувлар сайти шариат қоидаларига асосан бошқарилса, у сайтларга кириш ва ундан фойдаланишнинг ҳеч қандай ёмон жойи йўқ. Ушбу қоидаларга қуйидагилар киради:
1. У ерда аёлларнинг расмлари қўйилмаслиги керак. Чунки совчи қўйилган қизга қарашлик, қачонки у қизга уйланишга қатъий ишонч ҳосил қилган йигитга рухсат берилади. Бундан бошқа бирор кимса у аёлга қараши жоиз бўлмайди. Яна бирор ким бундай қилишига йўл қўйиб бериш ҳам мумкин эмас.
2. Танишув сайти аёл киши ҳақида, инсон худди уни кўриб турганидек, батафсил тафсилот бермаслиги керак. Чунки Пайғамбар соллаллоҳу алайҳи ва саллам дедиларки: «Ҳеч бир аёл бошқа бир аёлни у билан учрашганидан кейин эрига худди у уни кўриб турганидек таърифламасин» (Бухорий, 5240).
3. Ушбу сайт икки жинс орасида мактуб ёзишма пайдо бўлишига имконият бермаслиги керак. Чунки бунинг оқибатида кўп ёмонликлар вужудга келади. Бу нияти бузуқлик ёки кўнгилхушлик қилиш бўлган эркак ва аёлларнинг иштирокига олиб келади. Бундай сайтнинг администраторлари аввал мурожаат этаётган эркакнинг шахсини аниқлашлари керак, кейин эса ўша аёл валийсига боғлаб қўйишлари керак бўлади.
Иккинчидан: Танишув сайтларидан турмуш ўртоқ излаётган шахс солиҳ жуфт қидириш учун аввало қариндоши, дўстлари ва ишончли мусулмонларга мурожаат қилишлари лозим. Аллоҳга ҳамдлар бўлсинки, бу интернет орқали излагандан кўра осонроқ, хавфсизроқ ва фойдалироқдир.
Валлоҳу аълам.
Шайх Солиҳ ибн Фавзон ал-Фавзон ҳафизаҳуллоҳ
Уйланиш мақсадида интернет орқали жуфт излаш ҳукми
Савол: Фазилат соҳиби, Аллоҳ сизга яхшилик ато этсин. Савол шундайки, ушбу иш сабаб фалокат оммалашди. Интернет дастурлари орқали аёллар билан танишиш жоизми? У улар билан турмуш қуриш ниятида «Палталк» деб аталадиган сўзлашувдир. Бу эса интернет воситасида сўзлашиш ва ёзишиш билан бўлади.
Жавоб: Унинг турмуш қуриш учун одам қидиряпман деган баҳонаси сабаб, бу одамларга кўпгина зарар ва ёмонликлар олиб келади. Шунинг учун мусулмон киши учун фитна ва ёмонликка сабаб бўладиган ишларга кириши жоиз эмас. Ёшларнинг (интернет орқали) жуфт қидиришлари кўпгина зарарларни олиб келиши мумкин. Ҳа (шундай).