Хотин кишининг қинидан келадиган бенамознинг ҳукми нима?

Савол: Хотин кишининг қинидан чиққан суюқлик («оқ бенамоз»)ларнинг ҳукми нима? Улар таҳоратни бузадиган нажас нарсаларми? Кийимларга тегса кийимларни ювиш керакми? Умра, тавоф ва масжидда туриш каби бир оз кўпроқ вақт олган ибодатлар асносида бу суюқликлар келиб турган хотин нима қилиши керак? Қовушиш амалга ошмай жинсий таъсирлар (бўса каби) остида хотин кишининг қинидан келган суюқликларнинг ҳукми нима? Бундай пайтда жунубликдаги ғусл каби ғусл қилиш фарзми?

Жавоб: Хотин киши(нинг қинидан) чиқаётган суюқликлар нажас бўлиб, таҳоратни бузади. Улар теккан кийим ва бадан ҳам нажас бўлади. Шунинг учун ҳам, хотин киши бу суюқликлар(нинг бадани ва кийимларига) тегишидан эҳтиёт бўлиши ва намоз ўқимоқчи бўлса таҳорат қилиши, улар теккан бадани ва кийимидаги жойларни ювиши керак бўлади. Шунингдек, ҳар бир мусулмон икки чиқарув тешикларидан бирон нарса чиқса ва намоз ўқимоқчи бўлса таҳорат қилиши фарз бўлади.

Бу суюқликлар мудом келган хотин жинсий аъзосини тозалаб ювиши ва унга суюқликнинг атрофга ёйилишидан ҳимоя қиладиган бирон нарса қўйиб олиши, намоз ўқимоқчи ёки тавоф қилмоқчи бўлган пайтда таҳорат қилиши керак. У масжидда туриши мумкин. Чунки бу суюқлиқ ҳайз қони эмасдир. Масжидда туришга монеълик қилган нарсалар – ҳайз ва нифос қони ҳамда жунубликдир.

Хотинини ўпиши ёки қучоқлаши натижасида эр(нинг олати)дан чиққан суюқлик – отилиб ва лаззат билан чиққан маний-уруғ бўлмас экан, ғусл қилишни фарз қилмайди.

Шайх Солиҳ ибн Фавзон ибн Абдуллоҳ Фавзон

Манба: Ҳикмат Нури