Хотини эмас, эркакнинг ўзи ғусл қилиши керак

Савол: Бир киши хотинининг қучоғига кирган ва олатининг хатна қилинган ери хотинининг хатна қилинадиган ерига теккан, бироқ қинга кирмаган. Шу пайтда маний қиндан ташқарига тўкилган. Бундай ҳолатда хотин киши ғусл қилиши керакми?

Жавоб: Эркак киши ғусл қилиши керак. Чунки ундан маний тўкилибди. Хотин киши эса ғусл қилмайди. Чунки ғусл қилишнинг шартларидан бири, олатнинг қин ичига киришидир.

Маълумки хатна қилинган жой – олатнинг бош қисмидир. У хотин кишининг хатна қилинган жойига – қинга киргандагина тегиши мумкин. Шунинг учун ҳам, жинсий алоқа пайтида ғусл қилишнинг шартларидан бири олат бошининг қинга кириши эканини таъкидлаган эдик. Абдуллоҳ ибн Амр ибн Ос разияллоҳу анҳудан ривоят қилинган ҳадисда: «Икки хатна қилинган жой учрашса ва олат боши (кўринмай қолса) кирса, ғусл фарз бўлади», дейилган.

Аллома Муҳаммад ибн Солиҳ Усаймийн раҳимаҳуллоҳ

Манба: Ҳикмат Нури