Болаларни катта бўлганларида хатна қилиш

Савол: Айрим одамлар фарзандларини катта бўлганларида хатна қиладилар. Хатна куни эса зиёфат қилиб берадилар. Шариатнинг бу ҳақдаги ҳукми нима?

Жавоб: Болаларни гўдаклик чоғида хатна қилиш, фойдалари кўп бўлгани учун, афзалдир. Чунки, чақалоқ болалик даврига киргач (таносил аъзосини қоплаган) тери қалинлашиб, дағаллашади. Шунинг учун ҳам уламолар бола яхшилик билан ёмонлик ўртасини фарқлай олишидан илгари, терисининг майин ва юпқалик пайтида хатна қилишга ижозат берганлар. Чунки у пайт – гўдаклик пайти, гўдакнинг эса аврат беркитиш масъулияти бўлмай, уни бирон манфаат учун очиш ва ушлаш жоиздир.

Бундан ташқари гўдакнинг даволаниши, терининг битиб кетиши ва жароҳатнинг тузалиши енгилдир.

Баъзилар хатна қилиш учун чақалоқ туғилган биринчи кунни, баъзилар еттинчи кунни, кечикиб кетса қирқинчи кунни, энг охирги муддат ўлароқ эса етти ёшни танладилар. Чунки бу ёшда болани намоз ўқишга буюрилади. Таҳорат (поклик) эса намознинг шартларидан биридир. Бу поклик хатна билангина тўкис бўлади. Хатнани мустаҳаблик вақтидан кечиктирилмаслиги керак. Хатнанинг фарзлик вақти эса, балоғат ва масъулият (таклиф) ёшидир.

Хатна қилинмаган одам балоғат ёшидан кейин ҳам, агар танасига бирон зарар келмагудек бўлса, хатна қилдиришга шошилиши керак.

Хатна учун зиёфат қилишнинг зарари йўқ. Одамларнинг баъзилари бу зиёфатни қилмаётган бўлсаларда, у, Ислом келишидан илгари қилинган зиёфатлардан бўлиб, (араблар томонидан) «эъзор» деб аталар эди.

Хатна учун қилинаётган зиёфат ақиқа каби суннат муаккада эмасдир.

Валлоҳу аълам.

Аллома Абдуллоҳ ибн Абдурраҳмон Жибрин

«ал-Фатааваш-шаръийя фил-масааилит-тиббийя», 1 жузъ.

Манба: Ҳикмат Нури