Рўза ва қусиш

Савол: Қасддан ёки қасдсиз қусган рўзадор тутган рўзанинг ҳукми нима?

Жавоб: Агар рўзадор рўзадорлик пайтида ўзини ўзи қасддан қустирган бўлса, Расулуллоҳ соллаллоҳу алайҳи ва салламнинг: «Ким қасддан қусса (рўзасининг) қазосини тутиб берсин!» (Ибн Ҳиббон 1557) ҳадисига биноан қазосини тутиб беради. Илм аҳллари шунга амал қилганлар.

Аммо қусқи рўзадорнинг хоҳишидан ташқари келган бўлса, рўзаси раводир. Чунки Расулуллоҳ соллаллоҳ алайҳи ва саллам: «Кимда қусқи ўз-ўзидан келса у рўзасининг қазосини тутмайди. Қасддан қусган одам эса қазосини тутади», деганлар. Насоийдан бошқа тўрт муҳаддис ривоят қилдилар (Имом Аҳмад 10468; Ибн Ҳиббон 3518; Ибн Хузайма 1961).

Аллома Муҳаммад ибн Солиҳ Усаймийн

Фатво ва мақолалар девони, Рўза китоби, 19 жилд. Фатво № 185.

Манба: Ҳикмат Нури