Рўза учун ҳайзни тўхтатиб турадиган дорилар истеъмол қилиш

Рўза учун ҳайзни тўхтатиб турадиган дорилар истеъмол қилиш

257 марта ўқилган

Рўза тутиш учун ҳайз қонини тўхтатиб турадиган дорилар истеъмол қилиш, жоиздир

Савол: Одамлар билан бирга рамазон ойи рўзасини тутиш учун “ой кунлари”ни тўхтатадиган дорилар истеъмол қилса бўладими?

Жавоб: Хотин киши, зарар кўрмаслиги шарти билан, у дориларни истеъмол қилиши жоиздир. Манийнинг қинга бир муддат тўкилиши ёки рамазон рўзасини тутиш ёки бошқа сабаблар учун ҳайз қони келишига монеъ-тўсиқ бўладиган дори-дармонларни истеъмол қилишнинг зарари йўқдир. Инчунун, бунга шайхулислом ибн Таймийя раҳимаҳуллоҳ ва бошқа уламолар ҳам қарор қилганлар.

Шайх Абдуллоҳ ибн Ҳумайд

Манба: Ҳикмат Нури

« Аввалги саҳифа · Кейинги саҳифа »

/ Фатволар / Рўза масалалари / Рўза учун ҳайзни тўхтатиб турадиган дорилар истеъмол қилиш

Фикр билдиринг

Қуръон

«(Эй Муҳаммад), айтинг: «Мен барча инсонларнинг Парвардигоридан, барча инсонларнинг Подшоҳидан, барча инсон¬ларнинг Илоҳидан (менга) Ўзи жин ва инсонлардан бўлган, инсонларнинг дилларига васваса соладиган, (қачон Аллоҳнинг номи зикр қилинганида) яшириниб оладиган васвасачи (шайтон)нинг ёмонлигидан паноҳ беришини сўраб илтижо қилурман»

(Ан-Нос: 1-6).

Ҳадис

Имрон ибн Ҳусойндан ривоят қилинади: «Исломнинг аввалида Қурайш отам Ҳусойннинг ҳузурига келди – у улар ичида эътиборли киши эди – ва унга: «Сиз пайғамбарлик даъво қилаётган анави одам билан гаплашиб кўринг, у олиҳаларимизни ҳақоратламоқда, уларни сўкмоқда» дейишди. Сўнг ҳаммалари биргаликда келиб, Набий соллаллоҳу алайҳи ва саллам эшиклари яқинида ўтиришди. Набий соллаллоҳу алайҳи ва саллам уни кўргач: «Шайхга йўл беринглар» дедилар. Ҳусойн деди: «Бизга сиз тарафингиздан ҳар хил гаплар етмоқда. Сиз олиҳаларимизни ёмон сўзлар билан тилга оласиз ва сўкасиз экан, бу қанақаси?», деди. Расулуллоҳ соллаллоҳу алайҳи ва саллам: «Эй Ҳусойн, сиз бугун нечта илоҳга сиғинасиз?» деб сўрадилар. У: «Еттита; ердаги олтита ва осмондаги битта илоҳга» деди. «Қийинчилик, мусибат пайтида қайсинисига сиғинасиз?» деб сўрадилар. «Осмондагисига» деб жавоб берди. «Мол-ҳолга ҳалокат етса қайсинисига сиғинасиз?» деб сўрадилар. «Осмондагисига» деб жавоб берди. «У бир Ўзи ижобат қилади-ю, шукрда бошқаларни Унга шерик қиласизми?! Эй Ҳусойн, Исломга киринг» дедилар»

(Ибн Хузайма, «Тавҳид» (1/ 174)).