Ҳайз қони келгани учун рўзамни очдим, бироқ уялиб, қазосини тута олмадим. Бунинг ҳукми нима?

Савол: Ўн ёшимда рамазон ойида рўза тутаётганимда ҳайз қони келиб қолгани сабабли тўрт кун оғзимни очган эдим. Бироқ уялганим учун бирон кишига бу ҳақида оғиз оча олмадим  Мана, ҳозир, ўша кунлардан буён саккиз йил ўтди. Мен энди нима қилай?

Жавоб: Бунча вақт давомида қазосини тутмай хато қилибсиз. Чунки, ҳайз қони – Аллоҳ таоло Одам алайҳиссаломнинг қизлари пешонасига ёзган тақдирдир. Ундан уялмаслик керак. Сиз ўша тўрт куннинг қазосини каффорот бериш билан бирга зудлик билан тутишингиз керак. Каффорот эса, ҳар кун учун бир ёки кўп бечораларга маҳаллий халқ овқатларидан икки соъча[1] таом беришдир.

Шайх Абдуллоҳ ибн Абдурраҳмон Жибрин

Манба: Ҳикмат Нури